Ulo

         buak            nga     pulong                  buak            nga    saad                buak        nga   samad                   covid  19 lock down              cufew                     check  points  kagutom                 kalisod sinovac               50 %  efficacy               +               5 0%  kick back               =              100%  sino vac       ...

kining akong kasingkasing rent to own no down payment no equity no reservation fee straight monthly ready for occupancy aron maka move-in submit ka og requirements 1. pag-ibig id 2. birth certificate with CENOMAR     kung biyuda death certificate  sa natigbak nga gugma     kung buwag legal separation/annulment s a nilagpot nga gugma 3. kung OFW ang aplikante apilan og  Special Power of Attorney     dully certified sa pag-ibig  representative sa Philippine embassy reserve na kay limited offer ni siya! asa pa man ka makakita karon og gugma nga barato na data-data pa?

kata yuta kata tubig kata hangin kata kalayo kata lawod kata lutaw bughaw

anak ako sa lawod lawod sa lutaw lutaw sama sa sanga sanga nga naglutaw sa wanang nga bughaw

" Napapansin natin na madalas ang sunog dahil  urbanized na ang Boracay. Itong Oktubre,  dalawa na ang sunog. Paalala lang na huwag  nating iwanan ang niluluto natin,.. ,"  Cablayan said. - Rappler     October 24,2019 ang  kawad-on  usa  ka  gutom  nga  kalayo taliwa  sa  dakong  tapok  sa mga iskawater nga nikaon sa plastik nga atop nga nagsibya IT IS MORE FUN  IN THE PHILIPPINES nga  nilamoy  sa mga bungbong nga papel nga nagmantala VOTED THE MOST BEAUTIFUL  ISLAND IN THE WORLD

ang  nibuhagay  nga  t ae  sa  tiguwang  dautan ang  kinaham  nga  pamahaw  sa  nag-alirong  nga  mga  d oberman

Nakita ko ikaw Nyor Erning sa paguho ko pa lang sa tren sa Jurong East. Sa dihang gisugat ako sa bugnawng kahayag sa panon sa mgasuga, ug akong nakita nga nibuhayag ang mga bulok itom, dag, kape, puti sa nagkalainlaing mga paa sa itom, dag, puti, kape, mas itom, mas puti, mas dag, mas kape nga mga paa sa mga nagpakigol nga mga batan-ong mga babaye sa istasyonan sa tren. Nakita ko ikaw nga nikanaog sakay sa escalator maong nisunod ako sa imong padulngan nagpahipi lamang sa imong luyo. Unya nakita ko ikaw nga nisulod sa taboan sa Jurong East ug gisugat na sab ko sa pista sa mga bulok pula nga mga kamatis, lunhaw nga mga pitsay, mga dag, puti, kape, itom nga mga hubag nga mga batan-ong mga babaye. Ubos sa init kaayong kahayag sa panon sa bombelya sa mga suga. Nagpawng siga ang kahayag sa nagkaopaw na nimong ulo sa matag labay nimo sa mga suga. Paw'ng siga ang nagkasinaw na nimong ulo. Ug nakita ko ikaw nga nitagsa-tagsa'g pili sa mga kamatis pula kaayong mga kamatis nya imong...

pula  ang  banag banag  nga  nibanaw dugo ang  nilutaw  sa  lawod  nga  bughaw

habulang  adlaw  nibanhig  sa  laraw hait  nga  silab  nikilab  sa  dughang amaw

Lanog pa sa akong mga dalunggan ang imong mga katawa, Noy Roman. Bisan ang imong hulagway nga nag-inom sa usa ka bol nga tuba sa grahean sa MB Liner sa Tagbilaran tina-aw pa sad kaayo. Ikaw ang drayber ug si Papa ang konduktor. Gani ang mga biyahe ninyo matag tabo sa Sevilla ako man gayong atangan matag Sabado sa buntag aron ngadto ko sa pamilya sa akong Mama moduaw matag semana. Ang tingog sa mga nagkagot nga mga bolitas, tarugo og kahoy nga lawas sa higanting trak nga motadlas sa dalan sa Tagbilaran, Baclayon, Albor, Loay, Loboc ug Sevilla sa sayo nga kabuntagon nagtingog pa sa akong hunahuna. Wala ko makalimot nga adto ko nimo pa lingkoron sa imong tupad ug atong drayban ang mga libak sa nuilusak,tiratira,dumog,preskong isda buwad, tinap-anan,tinabal,ginamos, talong, kalbasa, upu, bagu ug uban pang mga utanon. Kon kamo inday mgangitag hayahay Ang MB Liner ang sakyi kanunay Liko sa Kinugitan ang kasadya sa imong higanting MB mosuot ngadto sa Sevilla. Apan sama sa dahong l...

Dinhi sa Bus Stop padung sa Kota Raya Ang bulok sa panit sa mga tawo daghan Kung ang imong sapin hinulaman baya Basin sa dalan ikaw pagahubuan.

Sa lawod nahimugso kata sama sanga lutaw dinhi ang tanan naglutaw ang tanang kahulugan naglutaw sa wanang sa ibabaw

lamya kanang mga bata nga nanaglubog sa sidewalk imna na kanang imong Coke tungod kay moabot ra ang panahon nga tagudtaguron ko ang tanang nanag amerkanang kamatayon

"Every revolution overthrows the existing power to this extent it is political;  Every revolution breaks up the old society to this extent it is social."                                                                            -- Karl Marx Taliwala sa papel ug bolpen  gihimugso ang maong Nga gitahi sa kusog Nga gikusokuso sa grasa ug abog Nga gipauga sa itom nga utot! Ang lubad kong maong adunay tapak sa lubot Adunay gisi sa tuhod! Gikan sa banig hangtod sa lubnganan Maoy giposas sa kiting ug hawak Ang maong kong lubad!

Si Filimon nga mangunguot namasol sa tunga-tunga sa taytayan sa Bangkerohan ug Matina. Nakakuha siya’g mga dagkong bahad sa isog nga mayor. Si Filimon nagpuyo sa kilid sa paril sa bodega sa Stanfilco   ngilit sa sapa sa Waan duol sa Nagkumbitay nga taytayan doul sa uyok sa nag-itom nga kasagingan. Ang gisibyang bahad sa tulibagbag nga mayor nibanda-banda sa mga bulig  nga gipangbitay sa puliya sa konbiyor nga naglatay sa kabilyang gipinisi pila ka kilometro ang dagan labang sa sapa latas sa pikas tampi lahus sa Mandug Panabo Tagum ug Mati.  Usa ka adlaw gituba si Filimon atubangan sa puthaw nga ganghaan sa kamaguwangang  apo sa United Fruit Company.  

gibuak ang kagabhion sa mga paghut sa 45 tiyabaw nibanaw buak nga mga ulo buak nga mga damgo

ang garbosong bangkete sa gobyerno Ang binilyong pork barrel senado unod sa gilapa nga mga tawo

Ang nasod sa OFW naa sud sa iyang backpack draftsman sa UAE, site engineer sa Brunei designe engineer sa SG draughsman sa hongkong, draftsman sa Saudi, PR sa AU Ang probinsiya sa iyang mga paningkamot Ang dakbayan sa iyang mga sakripisyo Ang baryo sa iyang mga paglaom Diin natukod ang panimalay sa iyang damgo balik sa SG, balhin sa Hongkong, balik sa Dubai Nanambo ang mga mata iyang kamuguwangan nga napriso daghang problema sa trabaho piit ang deadline sa arabo kasaba sa owner's rep,kasaba sa main con, kasaba sa subcon problemas kwarta sa igsoon hangyo sa iyaan hangyo sa silingan problema sa kwarta kwarta sa problema Nanulisok nga mga bakho s a iyang ikaduhang bayung-bayong Nga nagumon sa pagkaon sa bato hilak diri kahingawa didto Labad sa ulo labad mayo pa manglaba aron makalimot sa problema nagtipun-og nga labhanan nagtipun-og nga problemas kwarta Aron lumsan sa kemikal ang kamingaw sa iyang pagpangga Ang kamingaw dili lang ang kontra labaw na ang kahidlaw ...